له دوكان ژمارەیەک چێشتخانە کە نرخیان لەسەر گەشتیاران زیاد کردبوو سزادران
K24 – دوكان:
لیژنە هاوبەشەکانی تەندروستی و قائیمقامیەتی قەزای دوکان ژمارەیەک چێشتخانە سزا دەدەن کە لە ماوەی پشووی جەژندا نرخی خواردنەکانیان لەسەر گەشتیاران زیاد کردووە.
لە راگەیەندراوێکدا قائیمقامیەتی قەزای دوکان داوا لەچێشتخانە و شوێنە گەشتیارییەکان دەکات پابەندی نرخ و پاکو خاوێنی بن و قەرەباڵغی و هاتنی گەشتیاران نە قۆزنەوە بۆ گران کردنی نرخەکان.
ئاماژە بەوەش دەکات ئەمڕۆ سێ چێشتخانەیان لە دوکان لەسەر گران کردنی نرخی خواردن سزا داوە.
راگەیەندراوەکە تیشک دەخاتە سەر ئەوەش تیمەکانی لیژنە هاوبەشەکانی قائیمقامیەت لەگەڵ سەردانییان بۆ فرۆشگه و مارکێتەکان توانیویانە دەست بەسەر چەندین كه‌لوپه‌ل بگرن، کە ماوەی به‌کارهێنانیان کۆتایی هاتووە و لە بەرامبەردا سزا دراون.