ئومێد خۆشناو: هه‌نگاوه‌كانى پێكهێنانى حكومه‌ت خێرا ده‌بن

له‌ 6ى 11ى ساڵى رابردووه‌وه‌ چاوه‌ڕوانين

K24 – هه‌ولێر:

سه‌رۆكى فراكسيۆنى پارتى ديموكراتى كوردستان له‌ په‌رله‌مانى كوردستان، ئومێد خۆشناو رايگه‌ياند، هه‌نگاوه‌كانى پێكهێنانى كابينه‌ى نوێى حكومه‌تى هه‌رێم خێرا ده‌بن.

ئومێد خۆشناو له‌ كۆنگره‌يه‌كى رۆژنامه‌وانيدا، كه‌ دواى هه‌ڵبژاردنى ده‌سته‌ى سه‌رۆكايه‌تى په‌رله‌مان ئه‌نجاميدا، گوتى: له‌ 6ى 11ى ساڵى رابردووه‌وه‌ چاوه‌ڕوانين بۆ ئه‌وه‌ى ده‌سته‌ى سه‌رۆكايه‌تى په‌رله‌مان هه‌ڵبژێرين، به‌ڵام به‌داخه‌وه‌، فراكسيۆنى يه‌كێتى له‌ دواين ساته‌كاندا بڕيارياندا به‌شدارى له‌ دانيشتنى په‌رله‌مان نه‌كه‌ن.

گوتيشى: ئێمه‌ پابه‌ندين به‌ رێككه‌وتنى 5ى شوبات و هه‌ر كاتێك يه‌كێتى هاتنه‌وه‌ پێش، كانديدى ئێمه‌ بۆ سه‌رۆكايه‌تى كاتى په‌رله‌مان ده‌كشێته‌وه‌ و ئه‌و پۆسته‌ راده‌ستى يه‌كێتى ده‌كرێته‌وه‌.

هه‌روه‌ها گوتى: سوپاسى هه‌موو ئه‌و هێز و لايه‌نانه‌ ده‌كه‌ين كه‌ هاوپه‌يمانمان بوون له‌ سه‌رخستنى ئه‌و پرۆسه‌يه‌.

ئه‌وه‌شى گوت: هه‌ڵبژاردنى ده‌سته‌ى سه‌رۆكايه‌تى په‌رله‌مان يه‌كه‌م كليلى هه‌نگاونانه‌ به‌ره‌و كوردستانێكى به‌هێز.