كەشناسی كاتی دابەزینی پلەی گەرمای راگەیاند
K24 - ھەولێر
چەند رۆژێكە شەپۆلێكی گەرما ناوچەكانی ھەرێمی كوردستانی گرتووەتەوە، كەشناسی كاتی دابەزینی پلەكانی گەرمای راگەیاند.
بەڕێوەبەرایەتی كەشناسی و بوومەلەرزەزانی ھەرێمی كوردستان لە راپۆرتێكدا ئاشكرای كرد: "لە ئەنجامی لاوازبوونی كاریگەرییەكانی نزمە پاڵەپەستۆی وەرزی گەرمی ساڵانە لەسەر ھەرێمی كوردستان پێشبینی دەكرێت پلەكانی گەرما نزمبوونەوەی بەرچاو بەخۆیەوە ببینێت لە رۆژانی ھەینی و شەممەی داھاتوو، بە جۆرێك لە زۆربەی ناوچەكانی ھەرێمی كوردستان 3- 4 پلە دادەبەزێت".