حزبی زه‌حمه‌تكێشانی كوردستان پیرۆزبایی له مه‌سرور بارزانی و حكوومه‌ته‌كه‌ی ده‌كات
.jpg)
K24- هه‌ولێر:
به‌بۆنه‌ی ده‌ستبه‌كاربوونی مه‌سرور بارزانی، وه‌ك سه‌رۆكی كابینه‌ی نۆیه‌می حكوومه‌تی هه‌رێمی كوردستان و راگه‌یاندنی حكوومه‌ته‌كه‌ی، حزبی زه‌حمه‌تكێشانی كوردستان په‌یامێكی پیرۆزبایی ئاراسته‌ی سه‌رۆكی حكوومه‌ت و كابینه‌كه‌ی ده‌كات.
ده‌قی په‌یامی حزبی زه‌حمه‌تكێشانی كوردستان بۆ مه‌سرور بارزانی:
به‌ڕێز جه‌نابی مه‌سرور بارزانی، سه‌رۆكی حكوومه‌تی هه‌رێمی كوردستان
سڵاوێكی گه‌رم..
به‌بۆنه‌ی هه‌ڵبژاردنی به‌ڕێزتان وه‌ك سه‌رۆكی حكوومه‌ت و پێكهێنانی نۆیه‌مین كابینه‌ی حكوومه‌تی هه‌رێمی كوردستان، پیرۆزباییه‌كی گه‌رم له به‌ڕێزتان و جێگری سه‌رۆك و وه‌زیره‌كانی كابینه‌ی نوێ ده‌كه‌ین، هیوای سه‌ركه‌وتنتان بۆ ده‌خوازین، ئومێده‌وارین پێكهێنانی كابینه‌ی نوێ ببێته فاكته‌ری سه‌قامگیری و ئارامی، له ئاست چاوه‌ڕوانی و خواستی خه‌ڵكی كوردستان بێت.
حزبی زه‌حمه‌تكێشانی كوردستان پشتگیری له جێبه‌جێكردنی هێڵه گشتییه‌كانی كاری كابینه‌ی نوێ ده‌كات، كه چاكسازی و رووبه‌ڕووبوونه‌وه‌ی گه‌نده‌ڵی و خزمه‌تگوزاری له پێشه‌وه‌ی كاره‌كانی خۆی داناوه، بێگومان جێبه‌جێكردنی ئه‌و كارنامه‌یه ده‌سته‌به‌ری پێشكه‌وتن و حوكمڕانییه‌كی سه‌ركه‌وتوو و به‌ڕێوه‌بردنێكی باش ده‌كات و حكوومه‌تی هه‌رێمی كوردستان ده‌باته قۆناغێكی نوێ.
دووباره هیوای سه‌ركه‌وتنتان بۆ ده‌خوازین.
له‌گه‌ڵ رێز و پێزانینمان، ده‌سته‌ی سه‌رۆكایه‌تی حزبی زه‌حمه‌تكێشانی كوردستان.
H.B