سكرتێری كۆمه‌ڵه‌ی شۆرشگێڕی زه‌حمه‌تكێشان پیرۆزبایی له مه‌سرور بارزانی ده‌كات
K24 - هه‌ولێر:
عه‌بدوڵڵا موهته‌دی، سكرتێری گشتیی كۆمه‌ڵه‌ی شۆرشگێڕی زه‌حمه‌تكێشانی كوردستانی ئێران، په‌یامێكی پیرۆزبایی ئاراسته‌ی مه‌سرور بارزانی، سه‌رۆكوه‌زیرانی راسپێردراوی هه‌رێمی كوردستان ده‌كات و رایده‌گه‌یه‌نێت، هیواخوازین ته‌جره‌به و ئه‌زموونی خۆتان بۆ خزمه‌تی زیاتر به كوردستان و گه‌شه و سه‌قامگیری هه‌رچی زیاتری ئه‌م به‌شه‌ی كوردستان به كار بهێنین.
له به‌شێكی دیكه‌ی په‌یامه‌كه‌دا عه‌بدوڵڵا موهته‌دی رایده‌گه‌یه‌نێت، له‌باروودۆخی هه‌ستیاری ئێستادا ده‌خوازێت رۆحی ته‌بایی و یه‌كڕیزی به‌سه‌ر لایه‌نه سیاسییه‌كاندا زاڵ بێت و دڵنیاشین جه‌نابتان هه‌ر ئه‌و ئاراسته‌یه ده‌گرنه‌به‌ر و ئێمه‌ش هیوای سه‌ركه‌وتنتان بۆ ده‌خوازین.
ده‌قی په‌یامه‌كه:
"به‌ڕێز/ جه‌نابی كاك "مه‌سروور بارزانی" سه‌رۆك وه‌زیرانی هه‌ڕێمی كوردستان
وێڕای سڵاوێكی گه‌رم
به‌بۆنه‌ی هه‌ڵبژاردنتان به‌سه‌رۆك وه‌زیرانی هه‌رێمی كوردستان پیرۆزبایی گه‌رمتان لێ ده‌كه‌م.
هیواخوازین ته‌جره‌به و ئه‌زموونی خۆتان بۆ خزمه‌تی زیاتر به كوردستان و گه‌شه و سه‌قامگیری هه‌رچی زیاتری ئه‌م به‌شه‌ی كوردستان به كار بهێنین.
ده‌خوازێت له‌باروودۆخی هه‌ستیاری ئێستادا رۆحی ته‌بایی و یه‌كڕیزی به‌سه‌ر لایه‌نه سیاسییه‌كاندا زاڵ بێت و دڵنیاشین جه‌نابتان هه‌ر ئه‌و ئاراسته‌یه ده‌گرنه‌به‌ر و ئێمه‌ش هیوای سه‌ركه‌وتنتان بۆ ده‌خوازین.
عه‌بدوڵڵا موهته‌دی
سكرتێری گشتیی كۆمه‌ڵه‌ی شۆرشگێڕی زه‌حمه‌تكێشانی كوردستانی ئێران
١٤ی ژوه‌نی ٢٠١٩ی زاینی
٢٤ی جۆزه‌ردانی ١٣٩٨ی هه‌تاوی"