ئومێد سه‌باح: دانووستانی هه‌ولێر و به‌غدا گه‌یشتووه‌ته‌ ئه‌نجامێكی زۆر باش

سبه‌ی په‌رله‌مان پڕۆژه‌یاسای چاكسازی په‌سند ده‌كات
kurdistan24.net

K24 – هه‌ولێر:

ئومێد سه‌باح، سەرۆکی دیوانی ئەنجوومەنی وەزیرانی هه‌رێمی كوردستان، رایگه‌یاند، له‌ دانووستانه‌كانی هه‌ولێر له‌گه‌ڵ به‌غدا، به‌ چاودێری و سه‌رپه‌رشتی سه‌رۆكی حكوومه‌تی هه‌رێمی كوردستان گه‌یشتینه‌ ئه‌نجامێكی زۆر باش.

گوتیشی: سه‌رۆكی حكوومه‌تی هه‌رێمی كوردستان جه‌ختی له‌سه‌ر ئاوه‌دانكردنه‌وه‌ی ناوچه‌ كوردستانییه‌كانی ده‌ره‌وه‌ی هه‌رێم كردووه‌ته‌وه‌.

هه‌ر له‌و چوارچێوه‌یه‌دا، بڕیاره‌ سبه‌ی په‌رله‌مانی كوردستان ده‌نگ له‌سه‌ر پڕۆژه‌یاسای چاكسازی بدات.

له‌و باره‌یه‌وه‌، ئومێد سه‌باح گوتی: له‌گه‌ڵ په‌رله‌مان له‌سه‌ر داڕشتنه‌وه‌ی تێبینییه‌كان رێككه‌وتووین و ئامانجی پڕۆژه‌یاساكه‌ش هێنانه‌دی دادپه‌ره‌وه‌ری و متمانه‌یه‌ و حكوومه‌ت ده‌یه‌وێت ئه‌و داهاته‌ی ده‌ستیده‌كه‌وێت به‌ یه‌كسانی دابه‌شی سه‌ر كه‌رته‌ جیاوازه‌كانی بكات.