كەسێك بە تۆمەتی بازرگانیکردن بە ماددەی هۆشبەر لە سلێمانی دەستگیر کرا
K24 - سلێمانی
لە سلێمانی كەسێك بە تۆمەتی بازرگانیكردن بە ماددەی ھۆشبەر دەستگیر كرا و لەناو ئۆتۆمبێلەكەیدا دەست بەسەر بڕێك ماددەی ھۆشبەردا گیراوه.
بەڕێوەبەرایەتیی پۆلیسی پارێزگای سلێمانی لە راگەیەندراوێكدا ئاشكرای كرد: "پاش کۆکردنەوەی زانیاریی ورد لەسەر تۆمەتبارێک کە بازرگانیی بە ماددەی هۆشبەرەوە دەکرد، دوای وەرگرتنی فەرمانی دادوەر، توانرا تۆمەتبار لە گەڕەکی هوانە دەستگیر بکرێت و لەکاتی دەستگیرکردنیدا لەناو ئۆتۆمبێلەکەیدا، دەست بەسەر بڕێک ماددەی هۆشبەردا گیرا".
ئاماژە بەوەش كراوە: "ئێستا تۆمەتبار (ز، ر، ش) بە بڕیاری دادوەر و بەپێی ماددەی 14ی ماددە هۆشبەرەکان راگیراوە".
ھ.م