هاوپه‌یمانی نێوده‌وڵه‌تی توركیا و هه‌سه‌ده‌ دڵنیا ده‌كاته‌وه‌

بە هێلیکۆپتەری جۆری "یو ئێچ 60 بلاك هۆك" گه‌ڕی چاودێریان ئه‌نجامدا

K24- هه‌ولێر:

هاوپەیمانی نێودەوڵەتی رایدەگەیەنێت، بۆ دڵنیایی ئەنقەرە و هەسەدە، گەڕێكی چاودێری ئاسمانی هاوبەشیان له‌ ئاسمانی ناوچه‌ی ئارام لەگەڵ تورکیا ئەنجامداوە.

هاوپه‌یمانێتی نێودەوڵەتی دژی داعش له‌ تۆڕی كۆمه‌ڵایه‌تی تویته‌ر ئاشكرای ده‌كات، گه‌ڕێكی چاودێریان له‌ناوچه‌ی ئارام له‌سه‌ر سنووری سووریا و توركیا ئه‌نجامداوه‌.

لە تویتی هێزەکانی هاوپەیمانی نێوده‌وڵه‌تی دژی داعشدا هاتووە، بە هێلیکۆپتەری جۆری "یو ئێچ 60 بلاك هۆك" گه‌ڕی چاودێریان ئه‌نجامداوه‌.

ئەوەش هاتووە، کە ئەنجامدانی ئەو گەڕەی هاوبەش بۆ بەخشینی زیاتری دڵنیاییه‌ بە هاوپەیمانی ئەمریکا لە ناتۆ کە تورکیایە، هەروەها بۆ هاوبەشەکانمان لە تێکشکاندنی داعش کە هەسەدەیە.

تاوه‌كو ئێستا توركیا و ئەمریكا 3 گەڕی ھاوبەشیان لە ناوچەی ئارام ئەنجامداون.

H.B