کۆگایەکی کەلوپەلی ناوماڵ و بیناسازیی لە هەولێر گڕی گرت

K24 – هه‌ولێر:

کۆگایەکی کەلوپەلی ناوماڵ و بیناسازیی لە شاری هەولێر گڕی گرت  و تیمەکانی ئاگر کوژێنەوە لە هەوڵی کۆنتڕۆڵکردنی ئاگرەکەن.

پەیامنێری کوردستان24 لە شوێنی رووداوەکە رایگەیاند، هیچ کەسێک لە ناو کۆگاکە نەماوە و تیمەکانیش هەوڵدەدەن ئەو کەلوپەلانەی نەسوتاون، بیانپارێزن و ئاگرەکە کۆنتڕۆڵبکەن.

بێوار زەیدی، وتەبێژی بەرگری شارستانی هەولێر، بە کوردستان24ی راگەیاند: "کۆگاکە هەموو جۆرە کەلوپەلێکی تێدایە و تاکو ئێستا هۆکاری کەوتنەوەی ئاگرەکە نازانین".

H.J