ئەفسەرێکی سعوودی چەند هاوڵاتییەکی ئەمەریکی دەکوژێت
K24 – ههولێر:
لە بنکەی هێزی ئاسمانی پێنساکۆلا لە ویلایەتی فلۆریدای ئەمەریکا، ئەفسەرێکی سعوودی کە بۆ راهێنانکردن لە شوێنەکەبووە، تەقە هەڕەمەکی دەکات و سێ کەس دەکوژێت و هەشتی دیکەش بریندار دەکات.
تەقەکەرەکە ناوی محەمەد سەعید ئەلشامارانییە و وەکو فێرخوازێک لە شوێنەکە راهێنانی پێکراوە، بەڵام بە دەمانچەیەک هێرشی کردووەتە سەر خەڵکەکە، دواتر پۆلیس گەیشتووەتە شوێنی رووداوەکە، دوای رووبەڕووبونەوە و برینداربوونی دوو پۆلیس، تەقەکەرەکە کوژراوە.
بەهۆی ئەوەی ئەو تەقەکەرە خەڵکی سعودییەیە، پاشا سەلمان پەیوەندی بە دۆناڵد ترەمپ، سەرۆکی ویلایەتە یەکگرتووەکانی ئەمەریکا کردووە و ئیدانەی هێرشەکەی کردووە و بە تاوانێکی "بەربەری" ناوی بردووە.
هێزی ئاسمانی ئەمەریکا ئاشکرایکردووە، 18 ئەندامی هێزی ئاسمانی سعوودی و دوو فڕۆکەوان لەو بنکە سەربازییە راهێنان وەردەگرن و بەهۆی هێرشەکە چەند سعوودییەکی دیکە دەستگیر کراون.
My friend sent me this ? pic.twitter.com/E5SjLOSbyY
— Kevin Reinoso♛ (@kevinreinosoo) December 6, 2019
CNN