پاسپۆرتی سلێمانی داوایەك لە ھاووڵاتیان دەكات
K24 - سلێمانی
تائێستا نزیكەی 13 ھەزار پاسپۆرتی ھاووڵاتیان لە بەڕێوەبەرایەتی پاسپۆرتی سلێمانی ماونەتەوە و بەڕێوەبەری پاسپۆرتی سلێمانی داوا لە ھاووڵاتیان دەكات پاسپۆرتەكانیان ببەنەوە.
عەمیدى مافپەروەرسالار عەبدوڵڵا، بەڕێوەبەری پاسپۆرتی سلێمانی بە كوردستان24ی راگەیاند: "ھەر ھاوڵاتی یەک مامەڵەی پاسپۆرتی کردووە و سێ رۆژ تێپەڕیوە بەسەر وادەی مامەڵەکەی ئەوە بە پەلە سەردانی بەڕێوبەرایەتی پاسپۆرتی سلێمانی بکات بە مەبەستی وەرگرتنەوەی، چونکە لە ئێستادا نزیکەی 13 ھەزار پاسپۆرت لە بەڕێوبەرایەتی پاسپۆرت تەواو بووە، بەڵام ھاووڵاتیان نەھاتوون بۆ وەرگرتنەوەی".
راشیگەیاند: "ئێستا لە بۆنەی سەری ساڵی نوێ نزیک بووینەتەوە و زۆر لە ھاووڵاتیان پێویستیان بەسەفەرە، لەم کاتەدا بۆیە باشترە پێش وەستان و پاکتاوکردنی کاروبارەکانی ئامار و مامەڵەی پاسپۆرت ئەم پاسپۆرتانە بدرێتەوە بە ھاووڵاتیان".
ھ.م
