بەهۆی تەقینەوەیەک لە ئاهەنگێکی هاوسەرگیریی لە کابول دەیان کەس کوژران
K24 – ههولێر:
لە تەقینەوەیەکدا لەناو ئاهەنگێکی هاوسەرگیریی لە ئەفغانستان، 63 كەس كوژران و 182 كەسیش بریندار بوون.
تەقینەوەکە لە رێگای کەسێکی خۆکوژ ئەنجامدراوە، بەهۆیەوە جیا لە ژمارەیەکی زۆر لە پیاوان، چەند ژن و منداڵێکیش گیانیان لەدەستداوە.
بزووتنەوەی تاڵیبان تەقینەوەکەی ئیدانەکردووە و رەتیدەکاتەوە ئەوان لە پشت ئەو کارە بن، بەڵام پێشتر چەند جارێک، میلیشیا سووننەکان، کەمینەی هازارایان لە ئەفغانستان و پاکستان کردووەتە ئامانج.
محەمەد فەرهاگ، یەکێک لە ئامادەبوانی ئاهەنگەکە بە بی بی سی گوتووە: "بۆ ماوەی 20 خولەک، تەواوی هۆڵەکە دووکەڵ بوو. بۆ ماوەی دوو کاتژمێریش، تەرم لە هۆڵەکە دەهێندرایە دەرەوە".
دەشڵێت: "لێرە لە ئاهەنگەکان، پیاوان بە جیا و ژن و منداڵ بە جیا دادەنیشن، تەقینەوەکەش لە بەشی پیاوەکان روویداوە".
هەفتەی رابردووش، ئۆتۆمبێلێک لە هەمان ناوچە تەقییەوە، کە بنکەیەکی پۆلیسی کردبووە ئامانج و بەهۆیەوە، 14 کەس کوژران و 145 کەسی دیکەش برینداربوون، زۆربەیان کەسی سڤیل بوون
#Kabul Explosion happened at wedding hall in Kabul city, tonight's,11pm #Afghanistan pic.twitter.com/IsS4AyzJ4q
— ??अभिषेक द्विवेदी?? (@dwivedi344) August 17, 2019
H.J