مووچەی وەزارەتێكی دیكە دابەش دەكرێت
K24 - ھەولێر
وەزارەتی دارایی و ئابووری حكوومەتی ھەرێمی كوردستان، سبەی مووچەی وەزارەتێكی دیكە دابەش دەكات.
سەرچاوەیەك لە وەزارەتی دارایی بە كوردستان24ی راگەیاند: "رۆژی چوارشه‌ممه 2019/12/11 مووچه‌ی مانگی 9ی 2019 وەزارەتی دارایی دابەش دەکرێت".
سەرچاوەكە راشیگەیاند: "لە رۆژانی داھاتوودا دابەشكردنی مووچە بەردەوام دەبێت و تا سەرەتای ھەفتەی داھاتوو وادەی دابەشكردنی چەند وەزارەتێكی دیكە رادەگەیەندرێت".