مەکتەبی سیاسی یەکێتی کۆدەبێتەوە
K24 – سلێمانی:
ئەمڕۆ شەممە 16/03/2019، مەکتەبی سیاسی یەکێتی نیشتیمانیی کوردستان لە سلێمانی کۆدەبێتەوە و باس لە پرسی پێکهێنانی حکوومەتی هەرێمی کوردستان و هەڵبژاردنی سەرۆکی هەرێمی کوردستان دەکەن.
پەیامنێری کوردستان24 لە سلێمانی رایگەیاند: "دوێنێ پارتی پەیامێکی بۆ یەکێتی ناردووە و پابەندبوونی خۆی بە رێککەوتنی لەگەڵ یەکێتی و گۆڕان دووپاتکردووەتەوە".
پارتی نیازی هەیە لە دوای پشووەکانی نەورۆز، سەرۆکی هەرێم لە پەرلەمانی کوردستان هەڵبژێردرێت و دواتر سەرۆکی هەرێم، سەرۆکی حکوومەتی بۆ پێکهێنانی کابینەکەی رابسپێرێت، یەکێتیش ئەم پرسە تاوتوێدەکات.
هەر بەگوێرەی زانیارییەکانی پەیامنێری کوردستان24، یەکێتی داوای پۆستی نوێی لە پارتی کردووە و ئەمڕۆش بڕیار لەسەر پۆستەکانی لە کابینەی داهاتووی حکوومەتی هەرێم دەدات.
H.J