وەزارەتی پێشمەرگە لەبارەی خولی فڕۆكەوانی روونكردنەوە دەدات

ئەو ناوانەی وەزارەتی بەرگری عێراق بڵاوی كردونەتەوە پەیوەندی بە وەزارەتی پێشمەرگەوە نییە

K24 - ھەولێر

وەزارەتی پێشمەرگە لە راگەیەندراوێكدا روونكردنەوە لەسەر ئەو ناوانە دەدات كە وەزارەتی بەرگری عێراق بۆ خولی فڕۆكەوانی بڵاوی كردوونەتەوە.

لە راگەیەندراوەكەی وەزارەتی پێشمەرگە ھاتووە: "به‌ڕێوه‌به‌رایه‌تی تاكه‌كان و خۆبه‌شه‌كانی وه‌زاره‌تی پێشمه‌رگه‌ رایده‌گه‌یه‌نێت، ئه‌و ناوانه‌ی په‌یوه‌ست به‌ خولی فڕۆكه‌وانی‌ كه‌ له‌ ماڵپه‌ڕی فه‌رمی وه‌زاره‌تی به‌رگری عێراق بڵاوكراوه‌ته‌وه‌، هیچ په‌یوه‌ندییه‌كی به‌ به‌ڕێوه‌به‌رایه‌تی تاكه‌كان و خۆبه‌خشه‌كانی وه‌زاره‌تی پێشمه‌رگه‌ نییه ‌و ئه‌و كه‌سانه‌ ناگرێته‌وه‌ كه‌ له‌ رێگه‌ی وه‌زاره‌تی پێشمه‌رگه‌وه‌ ناوی خۆیان تۆمار كردووه‌".

روونكراوەتەوە: "ئه‌وانه‌ی له‌ بنه‌كانی تاكه‌كان و خۆبه‌خشه‌كان له‌ سنووری هه‌ولێر و سلێمانی تۆماركراون دواتر له‌لایه‌ن به‌ڕێوه‌به‌رایه‌تی ناوبراوه‌وه‌ ئاگا‌دار ده‌كرێنه‌وه‌".