به‌وێنه‌.. كۆڵبه‌رێكی رۆژهه‌ڵاتی كوردستان له‌ ئاوی رووباری زه‌لێ خنكا

خه‌ڵكی سه‌رده‌شتی رۆژهه‌ڵاتی كوردستانه‌

K24- هه‌ولێر:

کۆڵبەرێکی کوردی ڕۆژهەڵاتی كوردستان كه‌وته‌ ڕووباری زەڵێی نێوان باشوور و ڕۆژهەڵاتی کوردستان لەناوچەی پشدەر و گیانی لەدەستدا.

په‌یامنێری كوردستان 24 رایگه‌یاند، پێش نیوەڕۆی ئەمڕۆ کۆڵبەرێکی کوردی ڕۆژهەڵاتی كوردستان بەناوی "عوسمان ڕەمەزان" لەگوندی باوزێی سنوری پشدەر كه‌وته‌ ئاوی ڕووباری گوندەکە و گیانی له‌ده‌ستدا.

 

ژماره‌یه‌ك کەس و کاری عوسمان ڕەمەزان كه‌ لە سنوری پشدەرن، بە کوردستان۲٤ ـیان ڕاگەیاند، "نابراو خەڵکی گوندی "داوداوێ"ـی ناوچەی سەردەشتی ڕۆژهەڵاتی کوردستانە و چەند ساڵێکە بۆ بژێوی خێزانەکەی، کاری کۆڵبەری لەنێوان باشوور و ڕۆژهەڵاتی کوردستان دەکات، پێش نیوەڕۆی ئەمڕۆش دوای ئەوەی کەوتووه‌تە ئاوی ڕووباری زەڵێ خنکاوە.

بە وتەی ئەوان ئەمڕۆ تەرمی ناوبراو بەهاوکاری بەشێک لەدانیشتوانی گوندەکانی زەڵێ، سونێ و شێنێی ڕەوانەی زێدی خۆی لەگوندی داوداوێی سەردەشت کراوەتەوە.

 

کۆڵبەرانی کوردی ڕۆژهەڵات کەبۆ بژێوی ژیانیان ناچار بەکاری کۆڵبەرین، له‌ سنوری نێوان باشوور و ڕۆژهەڵاتی کوردستان ڕۆژانە ڕووبەڕووی مەترسی گەورە دەبنەوە، ۲٤ـی مانگی دیسەمبەری ڕابردووش لەسنورەکانی پشدەر، دوو كۆڵبه‌ر به‌ گوللـه‌ی پاسدارانی ئێران برینداربوون و بۆ چارەسەر هێنرابوونە نەخۆشخانەی گشتی قەڵادزێ.

H.B