توركیا ئاماری یه‌كه‌م رۆژی هێرشه‌كه‌ی راگه‌یاند

شه‌ڕ له‌ باكووری سووریا پێی نایه‌ دووه‌م رۆژییه‌وه‌

K24 – هه‌ولێر:

وه‌زاره‌تی به‌رگری توركیا رایگه‌یاند، له‌ رۆژی یه‌كه‌می هێرشه‌كه‌یان بۆ سه‌ر باكووری سووریا 181 ئامانجی هه‌سه‌ده‌ و یه‌په‌گه‌یان بۆردومان كردووه‌.

خلووسی ئاكار، وه‌زیری به‌رگری توركیا، رایگه‌یاند، مه‌ده‌نییه‌كان و ناوه‌نده‌ شوێنه‌واری و باڵه‌خانه‌ كلتووری و ئاینییه‌كان ناكه‌ینه‌ ئامانج.

كاتژمێر 04:00ی ئێواره‌ی 9ی ئۆكتۆبه‌ر، هێرشی ئاسمانی سوپای توركیا بۆ سه‌ر باكووری سووریا و خۆرهه‌ڵاتی فورات ده‌ستیپێكرد و له‌ به‌رامبه‌ردا شه‌ڕڤانانی كورد دووپاتیده‌كه‌نه‌وه‌ به‌رگری له‌ ئیراده‌ و خاك و ده‌سه‌ڵاته‌كه‌یان ده‌كه‌ن و رێگه‌ ناده‌ن بكه‌وێته‌ ده‌ست سوپای توركیا و میلیشیاكانی هاوپه‌یمانی.