ئه‌مه‌ریكا لێكۆڵینه‌وه‌ له‌ تاوانی جه‌نگی هێرشه‌كانی توركیا ده‌كات

چاودێری دۆخه‌كه‌ ده‌كات

K24 - هه‌ولێر:

مایک پۆمپێیۆ وەزیری دەرەوەی ئەمریکا رایگەیاند کە چاودێری بارودۆخی ئاگربەست دەکەن و لە هەمان کاتیشدا هەڵسەنگاندن و لێكۆڵینەوە لەسەر تۆمەتەکانی پەیوەست بە تۆمەتی تاوانی جەنگ و هێرشه‌كانی توركیا بۆ سه‌ر باكووری سووریا دەکەن.

پۆمپێیۆ گوتیشی: "چاودێری دەکەن و داوا دەکەن کە رووسیا و تورکیا و سووریا هیچ هەنگاوێکی دیكه‌ بە ئامانجی ناسەقامگیریی ئەنجام نه‌ده‌ن".

له‌ دوای ده‌ستپێكردنی هێرشه‌كانی توركیا بۆ سه‌ر رۆژئاوای كوردستان، له‌ 9ی ئۆكتۆبه‌ری 2019، ئه‌و میلیشیایانه‌ی له‌لایه‌ن ئه‌نقه‌ره‌وه‌ پاڵپشتی ده‌كرێن، به‌ ئه‌نجامدانی تاوانی دژی مرۆڤایه‌تی تۆمه‌تبار كراون و هه‌ندێكیشیان ده‌كه‌ونه‌ قاڵبی تاوانی جه‌نگ، كه‌ ئه‌مه‌ریكا بڕیاره‌ لێكۆڵینه‌وه‌ی له‌سه‌ر بكات.