مووچه‌ی مامۆستایان دزرا

چه‌كداره‌كان به‌ره‌و شوێنێكی نادیار هه‌ڵاتوون

K24 - هه‌ولێر:

سه‌رچاوه‌یه‌كی ئه‌منی له‌ پارێزگای دیاله‌ رایگه‌یاند: "ژماره‌یه‌ك چه‌كداری نه‌ناسراو هه‌ڵیانكوتاوه‌ته‌ سه‌ر قوتابخانه‌یه‌كی پارێزگاكه‌ و مووچه‌ی مامۆستاكانی قوتابخانه‌كه‌یان دزیوه‌".

سه‌رچاوه‌كه‌ به‌ پێگه‌ی ئه‌لیكترۆنی (بغداد اليوم) گوتووه‌: "سه‌رله‌به‌یانی ئه‌مڕۆ دووشه‌ممه‌ 30/7/2018 چه‌كداره‌ نه‌ناسراوه‌كان چوونه‌ته‌ ناو قوتابخانه‌كه‌وه‌و بڕی 85 ملیۆن دینار كه‌ پاره‌ی مووچه‌ی مامۆستاكانی قوتابخانه‌كه‌ بووه‌ دزیوویانه‌".

هه‌روه‌ها گوتوویه‌تی: "پاش ئه‌وه‌ی ئه‌و چه‌كدارانه‌ پاره‌كه‌یان دزیووه‌، به‌ره‌و شوێنێكی نادیار هه‌ڵاتوون".