"هیچ رێككهوتنێك لهگهڵ كورد بهبێ بارزانی سهركهوتوو نابێت"
K24 - ههولێر:
نووسهر و رۆژنامهنووسی ناسراوی عێراق، شامل عهبدولقادر، پهرتووكێكی له بارهی رێككهوتننامهی جهزائیر و نسكۆی شۆڕشی ئهیلوول نووسیوه، كه ناوهڕۆكهكهی به زنجیره له رۆژنامهی "المشرق"ی عێراقی بڵاودهكرێتهوه.
له ژمارهی (4368)ی رۆژی چوارشهممه، 3ی تهممووزی 2019، رۆژنامهكه، باس له گفتوگۆیهكی نێوان رێبهری بزووتنهوهی رزگاریخوازی كورد، مستهفا بارزانی و سهرۆكی پێشووی عێراق، سهددام حوسێن دهكات، دهڵێت: "پێش رێككهوتننامهی 11ی ئاداری 1970، سهددام حوسێن لهكاتی سهردانیكردنی خوالێخۆشبوو مهلا مستهفا بارزانی، وتی ئهگهر ئیستیعمار وازمان لێبێنێت، ئێمه دهتوانین لهنێو خۆماندا رێكبكهوین"، بهڵام بارزانی وهڵامی دایهوه و گوتی: "ئهوه گوناهی ئیستعیمار نییه و گوناهی خۆمانه".
له بهرامبهردا سهددام وتی: "چۆن وا دهڵێی؟ بارزانییش گوتی، تهماشای ئهم چیایهی بهردهممان بكه و به پهنجهش ئاماژهی بۆ چیاكه كرد، به سهددامی گوت چی دهبینی؟ ئهویش له وهڵامدا گوتی شوان و رانهمهڕێك دهبینم، بارزانی گوتی ئهگهر شوانهكه نووست و خهوی لێكهوت و ئاگای له مهڕهكان نهما، گورگێكیش فرسهتی هێنا و هێرشی كرده سهر رانهمهڕهكه، بهرای تۆ كێ بهرپرسه، شوانهكه یان گورگ؟، سهدامیش له وهڵامدا گوتی، بێگومان شوانهكه، بارزانی گوتی ئهگهر گریمان تۆ خانووێكی زۆر خۆشت ههبێت پڕبێت له كهلوپهلی نایاب و گرانبهها، دهرگا و پهنجهرهكهشت كردهوه و پاشان دزێك هات و كهلوپهلهكانی دزی، ئایا كێ بهرپهرسه؟ سهددام گوتی بێگومان من، بارزانی له وهڵامدا گوتی گریمان شوانهكه و خاوهنی خانووهكه و گورگهكه و دزهكه، ههموویان ئیستعیمار بن، كهوایه كێ بهرپرسه؟ ئێمه یان ئیستیعمار".
پاشان نووسهر دهڵێت: "سهددام حوسێن هاته گهڵاڵه و كاغهزێكی سپی كه ئیمزای خۆی لهسهر بوو، پێشكهشی بارزانی كرد و گوتی چ داواكارییهكتان ههیه، من بهبێ هیچ مهرجێك جێبهجێیان دهكهم".
وهك نووسهر ئاماژهی بۆ كردووه، دوای رێككهوتنی 11ی ئادار، سهددام حوسێن پهشیمان بۆوه و لهگهڵ شای ئێران رێككهوت و بهرامبهر به پشتگیرینهكردنی شۆڕشی كورد، شهتولعهرهبیشی پێ بهخشی.
نووسهر له كتێبهكهیدا باس لهوهش دهكات، ئهگهر حكوومهتی عێراق بیهوێت لهگهڵ كورد رێكبكهوێت، دهبێت له ژێر رابهرایهتی بارزانی-دا بێت، ئهگهرنا ههر رێككهوتنێك لهگهڵ كورد بهبێ بارزانی، رێككهوتنێكی سهركهتوو نابێت.
ئ. م