ئیڤانكا تۆڵه‌ی باوكی له‌ په‌یامنێرێك ده‌كاته‌وه‌

وه‌ڵامی په‌یامنێرێكی سی ئێن ئێن ناداته‌وه‌

K24 - هه‌ولێر:

ئیڤانكا كچی دۆناڵد تره‌مپ، سه‌رۆكی ئه‌مه‌ریكا، كه‌ ئێستا وه‌ك راوێژكارێكی خۆبه‌خش له‌ كۆشكی سپی كارده‌كات، گه‌وره‌ په‌یامنێرێكی كه‌ناڵی سی ئێن ئێن پشتگوێ ده‌خات و وه‌ڵامی ناداته‌وه‌.

به‌ گوێره‌ی گرته‌یه‌كی ڤیدیۆیی، جیم ئه‌كۆستا، گه‌وره‌ په‌یامنێری كه‌ناڵی سی ئێن ئێنی ئه‌مه‌ریكا، له‌ كۆشكی سپی پرسیار له‌ باره‌ی لێپێچینه‌وه‌ له‌ تره‌مپ له‌ ئیڤانكا ده‌كات و مایكه‌كه‌ ده‌باته‌ به‌رده‌می، له‌ به‌رامبه‌ریشدا ئیڤانكا به‌بێ ئه‌وه‌ی هیچ وه‌ڵامێك بداته‌وه‌ و سه‌یری په‌یامنێره‌كه‌ بكات، درێژه‌ به‌ رۆیشتنی خۆی ده‌دات و پشتگوێی ده‌خات.

پێشتر له‌ كۆنگره‌یه‌كی رۆژنامه‌وانیدا، تره‌مپ له‌ پرسیارێكی ئه‌و په‌یامنێره‌ تووڕه‌ بوو، تا كار گه‌یشته‌ ئه‌وه‌ی تره‌مپ پێی بڵێت: "بێ ره‌وشت مه‌به‌ و مایكه‌كه‌ت دانێ و پرسیار مه‌كه‌".

به‌ گشتی دۆناڵد تره‌مپ، كه‌ناڵی سی ئێن ئێن به‌ كه‌ناڵی دژه‌ خۆی و ئه‌مه‌ریكا وه‌سفی ده‌كات و وه‌ك كه‌ناڵێك كه‌ هه‌واڵه‌كانی هه‌ڵبه‌ستراوه‌ وه‌سفی ده‌كات.

ئ. م