كوێت داوا لە توركیا دەكات ئاستەنگییەكانی بەردەم وەبەرھێنان لابدات
K24 - ھەولێر
سەرۆکی ئەنجوومەنی نەتەوەیی كوێت داوا لە ئەردۆغان دەكات، سەرجەم ئاستەنگییەكانی بەردەم وەبەرھێنانی كوێت لە توركیا لابدات.
بەگوێرەی بەیاننامەیەكی ئەنجومەنی نەتەوەیی، مەرزوق ئەلغانم سەرۆکی ئەنجوومەنی نەتەوەیی كوێت و شاندێكی پەرلەمان بە سەردانێكی فەرمی روویان لە ئیستانبوڵ كرد و لەلایەن رەجەب تەیب ئەردۆغان، سەرۆك كۆماری توركیاوە پێشوازیان لێكرا و لە كۆبوونەوەیەكدا كە تێیدا باس لە چەندین دۆسیەی گرنگ كرا.
ئەلغانم داوای لە سەرۆك كۆماری توركیا كرد كە ئاسانكاری زیاتر پێشكەش بە كوێتییەكان بكات و سەرجەم ئاستەنگییەكانی بەردەم بازرگانان لابدات تاوەكو بتوانن روو لە توركیا بكەن و وەبەرھێنانی زیاتر ئەنجامبدەن و لە بەرامبەریشدا ئەردۆغان بەڵێنیدا كار لەسەر لادانی سەرجەم ئاستەنگییەكان بكات بۆ ئەوەی قەبارەی بازرگانی و ئابووری نێوان ھەردوو وڵات بەرزبێتەوە.
ھ.م