كۆتینهۆ: مێسی كه‌سێكی ساده و به ڕه‌وشته و زۆر یارمه‌تی منی داوه
.jpg)
فلیپ كۆتینۆی برازیلی له كۆنگره‌یه‌كی رۆژنامه‌وانیدا، رایگه‌یاند، زۆر دڵخۆشه به ئاستی هه‌ڵبژارده‌كه‌ی هاوكات راشیگه‌یاند له رێگه‌ی وه‌تس ئاپه‌وه پیرۆزبایی رۆژی له دایك بوونی لیۆ مێسی كردووه و ده‌شڵێت، ئه‌گه‌ر گریزمان بێته بارسێلۆنا زۆر دڵخۆش ده‌بێت.
فلیپی كۆتینهۆ، ئه‌ستێره‌ی هه‌ڵبژارده‌ی به‌رازیل ده‌ڵێت: یاریمان له قۆناخی كۆمه‌ڵه‌كان له به‌رمابه‌ر به پیرۆ، ئه‌و یاریی كردنه بوو كه به ته‌واوی ئیمه ده‌مانه‌ویست، ئاستیكی زۆر نایابمان پێكشه‌ش كرد و هیودارم به‌مشێوه‌یه تا كۆتایی به‌رده‌وام بین، هه‌رچه‌نده له یاریی یه‌كه‌م و دووه‌میش خراپ نه‌بووین، به‌ڵام دواین یاریمان نیشانه‌ی به‌هێزیمان بوو، پیموایه هه‌موو كه‌سێك ده‌زانێت، كه ئه‌وه ئاستی راسته‌قینه‌ی برازیل بوو.
كۆتینهۆ گوتیشی: ده‌رباره‌ی لیۆ میسی ده‌مه‌وێت بڵێم به‌ڵی من له ریگه‌ی وه‌تس ئپه‌وه پیرۆزبایی رۆژی له دایكبوونم له مێسی كرد، ئیمه گرووپمان هه‌یه به‌یه‌كه‌قسه ده‌كه‌ین، مێسی یاریزانێكی نایاب و خاوه‌ن ره‌وشتیكی زۆر به‌رزه ئه‌و كه‌سێكی زۆر ساده‌یه، له راستیدا له یاریگه زۆر یارمه‌تی من ده‌دات.
كۆتینهۆ زیاتر ده‌ڵێت: ده‌رباره‌ی ئانتوان گریمان و په‌یوه‌نیدین كردینی به بارسلۆناوه، له راستیدا، ئه‌گه‌ر ئه‌وه رووبدات زۆر نایاب ده‌بێت هه‌مووكات یاریكردن له‌گه‌ڵ یاریزانیكی وه‌كو گریمان و هاوشێوه‌كانی زۆر خۆشه، به‌ڵام له راستیدا نازانم كه‌ی رووده‌دات و پێویسته چاوه‌ڕێ بكه‌ین.