فێستیڤاڵی (# دەستخۆش) لە ھەولێر بەڕێوەچوو
K24 - ھەولێر
بە ئامادەبوونی بەشێك لە بەھرەمەندانی ھەرێمی كوردستان و ناوچە كوردستانییەكانی دەرەوەی ئیدارەی ھەرێم، فێستیڤاڵی (# دەستخۆش) لەلایەن ئەنستیوتی رۆژنامەوانی جەنگ و ئاشتی لە ھەولێر بەڕێوەچوو.
ژولی عەدنان، یەكێك لە رێكخەرانی فێسیڤاڵەكە بە كوردستان24 راگەیاند: "مەبەستمان لە رێكخستنی ئەو فێستیڤاڵە ئەوەبوو، كە بە ھەرتاكێك بڵێین، (# دەستخۆش) ھەربمێنن و وڵات بە دەستی خۆتا بنیات بنێن".
گوتیشی: "ئەمساڵ 17 كەس خەڵاتكران كە لە چەندین شار و شارۆچكەی كوردستانەوە رۆڵیان لە بوارە جیاوازەكان ھەبووە و توانیویانە لە رێگەی بەھرەكانیانەوە داھاتی رۆژانەیان دابین بكەن".
ژولی عەدنان، روونیكردەوە: "یەكەمجارە ئەم جۆرە فێستیڤاڵە لە عێراق و ھەرێمی كوردستان رێكدەخرێت و بڕیاریشە لە داھاتوودا ساڵانە بەڕێوەبچێت".
ھ.م
فۆتۆ: دیار حەیدەر