دوای رێككه‌وتنی له‌گه‌ڵ هه‌رێمی كوردستان قازانجی داناگاز زیادبووه
K24 - ھەولێر
كۆمپانیای دانا گاز بڵاویكردەوە، لەسەر ئاستی جیھان قازانجی وەرزی كۆمپانیای دانا گاز ھەشت ئەوەندە زیاد دەكات و دەگاتە 102 ملیۆن دۆلار.
كۆمپانیای دانا گاز لە راپۆرتێكدا ئاشكرای كرد، لە ماوەی چارەكی سێھەمی ئەمساڵ و بەراود بە ھەمان ماوەی ساڵی رابردوو، ئاستی قازانجیان بەنزیكەی ھەشت ئەوەندە زیادیكردووە و بە درێژایی نۆ مانگی سەرەتای ئەمساڵ، قازانجی ئەو كۆمپانیایە بە زیاتر لە چوار ئەوەندە بەرزبووەتەوە.
بەرزبوونەوەی قازانجی داناگاز بۆ چەند ھۆكارێك دەگەڕێتەوە، لە نێوشیاندا گەشەی داھات و كەمكردنەوەی خەرجیەكانی بەكاربردن و وەبەرھێنان، ئەمە سەرەڕای كەمكردنەوەی شایستە دارایەكانی بە رێژەی لە 77% ، لە دەرەنجامی رێككەوتنی كۆتایی لەگەڵ حكومەتی ھەرێمی كوردستان.