هێمن هه‌ورامی: یوسف محه‌مه‌د نابێته‌وه سه‌رۆكی په‌رله‌مان
K24 - سلێمانی:
له باره‌ی ئه‌نجامدانی گفتوگۆ و چاره‌سه‌ركردنی ره‌وشی سیاسی هه‌رێمی كوردستان، ئه‌ندامێكی سه‌ركردایه‌تی پارتی رایگه‌یاند، ئه‌وان هه‌میشه ئاماده‌ن بۆ گفتوگۆ له‌گه‌ڵ لایه‌نه سیاسییه‌كان، به‌ڵام به‌بێ هیچ پێشمه‌رجێك.
هێمن هەورامی ئەندامی سەرکردایەتی پارتی و بەرپرسی پەیوەندییەكانی دەرەوەی پارتی بۆ كوردستان 24، گوتی: "لای پارتی یەكلابووەتەوە كە جارێكی دیكە یوسف محەممەد نابێتەوە سەرۆكی پەرلەمانی كوردستان".
ئه‌و ئه‌ندامه‌ی سه‌ركردایه‌تی پارتی، گوتیشی: "یوسف محه‌مه‌د به‌شێك نه‌بوو له چاره‌سه‌ر، به‌ڵكو هۆكارێك بوو بۆ دروستكردنی كێشه و زیاتر ئاڵۆزكردنی ره‌وشی هه‌رێمی كوردستان".
بەرپرسی پەیوەندییەكانی دەرەوەی پارتی راشیگەیاند دەبێت سەرۆكایەتیەكی نوێ بۆ پەرلەمانی كوردستان ھەڵبژێردرێت.