نرخی نەوتی برێنت بەرزبووەوە

K24- هەولێر:

کۆرۆنا لە ئەمەریکا زیاتر بڵاودەبێتەوە، مەترسی ئەوەی دروستکردووە، خواست لەسەر نەوتی تێکساس کەم بکات، بەمەش نرخی نەوتی برێنت کەمێک بەرزبووەوە.

نرخی یەک بەرمیل نەوتی برێنت بە رێژەی 0.4% بەرزبووەوە و گەیشتە 42 دۆلار و 98 سەنت، لە کاتێکدا نرخی یەک بەرمیل نەوتی تێکساس بە رێژەی 0.6% دابەزی بۆ 40 دۆلار و 42 سەنت.

بەگوێرەی بەدواداچوونەکانی ئاژانسی هەواڵی رۆیتەرز، لە 15 ویلایەتی ئەمەریکا، حاڵەتەکانی ڤایرۆسی کۆرۆنا زۆر زیادیانکردووە.

زیادبوونی حاڵەتەکان وایکردووە، خەڵک لە ماڵەوە بمێننەوە، بەمەش خواست لەسەر نەوت کەم دەکات لە ئەمەریکا.