داعش له چهند ناوچهیهكی عێراق دهردهكهوێتهوه
K24 - ههولێر:
چهكدارانی رێكخراوی داعش، له ناوچهكانی دهوروبهری پارێزگای سهڵاحهددینی ناوهڕاستی عێراق، 30 كەسیان لە ھۆزی شەمەر رفاند و 7 كەسیشیان لهو ژمارهیه گوللـەبارانكرد.
عەلی نەواف حەسسان، سەرۆكی ئەنجوومەنی قەزای دور لە پارێزگای سەڵاحەدین بە میدیاكانی عێراقی راگەیاندووە، چەكدارانی داعش 30 كەسیان لە ھۆزی شەمەر لە پارێزگای سەڵاحەدین رفاند و 7 كەسی گوللـەبارانكردووە، تهرمی 7 كهسهكه دۆزراونەتەوە و چارەنووسی 23 كەسەكەی دیكەش دیار نییە.
حەسسان داواشی لە حكوومەتی عێراق كرد، ھەنگاو بۆ رزگاركردنی رفێنداراوان بدات.
ماوەی چەند رۆژێكە، چەكدارانی داعش بە ناوچەكانی بیابانی رۆژئاوا و زنجیرە چیای حەمرین و ناوچەكانی عێس لە رۆژھەڵاتی سەڵاحەدین و حەزەر و باشووری مووسڵ، دەستییان بە جموجۆڵكردووەتەوە، ھەروەھا لە ناوچەكانی سەرسار، گردەكانی رۆژئاوای بەعاج و رۆژئاوای شەرگاتیش بڵاوبوونەتەوە.
چهند جارێكیشه لهسهر ئاستی ناوخۆ و نێودهوڵهتی عێراق، هۆشداری له گهڕانهوهی چهكدارانی داعش دهدرێت به هۆی ئهو بۆشاییه ئهمنییهی لهو ناوچانه درووستبووه.
ا. م