چوار خۆپیشاندەر و 2 پۆلیسی عێراق كوژران
K24 - ھەولێر
بەھۆی گرژیی و پێكدادان لە خۆپیشاندانەكانی عێراق، چوار خۆپیشاندەر و دوو پۆلیس کوژران.
دوای کۆتایی هاتنی مۆڵەتەکەی خۆپیشاندەران، بۆ جێبەجێکردنی داواکارییەکانیان، لە دوێنێوە خۆپیشاندان و ناڕەزایەتییەکانی عێراق فراوانتربوون و چوار خۆپیشاندەری دیکە کوژران و دوو پۆلیسیش لە بەسرە، بەهۆی شێلانیان لەلایەن ئۆتۆمبێلێکی مەدەنییەوە گیانیان لەدەستدا.
هاوکات، دەوامی خوێندن و فەرمانگەکان، لە زۆربەی شارەکانی باشوور و ناوەڕاستی عێراق وەستاوە و چەندین رێگاش داخراون.
ھ.م