جارێكی دیكە فڕۆكە جەنگییەكانی توركیا زینی وەرتێیان بۆردومان كردەوە
K24 - رواندز
كەمێك پێش ئێستا فڕۆكە جەنگییەكانی توركیا بنكە و بارەگاكانی پەكەكەیان لە زینی وەرتێ بۆردومان كردەوە. بەگوێرەی زانیارییەكان زیان بە دوو تاوەری ھێڵی كۆمپانیاكانی گەیاندن کەوتووە.
كوێستان محەمەد، قایمقامی رواندز بە كوردستان24ی راگەیاند: "كەمێك پێش ئێستا فڕۆكە جەنگییەكانی توركیا زینی وەرتێیان بۆردومان كردەوە، ئەوەی زانراوە، زیان بە دوو تاوەری كۆمپانیاكانی گەیاندن كەوتووە".
گوتیشی: "ھەر ئەمڕۆ لوتكەی ھەڵەموند لەلایەن فڕۆكە جەنگییەكانی توركیا بۆردومان كراوە".
شەوی رابردووش فڕۆكە جەنگییەكانی توركیا بنكە و بارەگانی پەكەكەیان لە نزیك زینی وەرتێ و بناری قەندیل و سنووری سیدەكان بۆردومان كرد.