وەزارەتی شارەوانی 10% خەرجییەكانی كەمكردەوە
K24 - ھەولێر
وەزارەتی شارەوانی و گەشتوگوزاری حكومەتی ھەرێمی كوردستان سەرەڕای كەمبوونەوەی بودجەی وەزارەتەكان و داھاتی حكومەت بەشێكی پڕۆژە خزمەتگوزاییەكانیان كاركردن تێیاندا بەردوامە و ھەروەھا سەرجەم خزمەتگوزارییەكانیان بۆ ناو شارو شارۆچكەكانیش دابینكردووە، لە ھەمانكاتدا 10%ی خەرجییەكانیان كەمكردووەتەوە.
عەبدولحەمید عەلی، بەڕێوەبەری گشتی پلاناندانان لە وەزارەتی شارەوانی رایگەیاند، خەرجی ساڵانەی خزمەتگوزارییەكان 200 ملیار دینارە، بەڵام لەو ماوەیەدا 10% كۆی خەرجییەكانیان كەمكردووەتەوە.