سهبارهت به مووچه بهغدا داوایهك له حكوومهتی ههرێم دهكات
K24 - ههولێر:
حكوومەتی عێراق داوا لە حكوومەتی ھەرێمی كوردستان دەكات، پاشەكەوتی مووچەی فەرمانبەران ھەڵبوەشێنێتەوە.
سەعد حەدیسی، گوتەبێژی نووسینگەی راگەیاندنی سەرۆك وەزیرانی عێراق، رەتیكردەوە، حكوومەتی فیدراڵی ھیچ رێككەوتنێكی لەبارەی پاشهكهوتی مووچەوە لەگەڵ حكوومەتی ھەرێمی كوردستان كردبێت و داواشیكرد خواست و داواكاری خۆپیشاندەران لەبەرچاوبگیرێت و پاشەكەوتی مووچەش ھەڵبووەشێنێتەوە.
حەدیسی لە لێدوانەكەیدا بۆ رۆژنامەی سەباحی جەدید گوتیشی: "بەغدا 317 ملیار و 540 ملیۆن دینار بۆ ھەرێم دەنێرێت، پێویستە حكوومەتی ھەرێمیش لەو داھاتەی لە فرۆشتنی نەوت دەستی دەكەوێت، پارەكەی دیكە تەواوبكات و ھەموو مانگێك و بەبێ بڕینی ھیچ بڕە پارەیەك مووچە بدات".
بههۆی بڕینی بهشه بودجهی ههرێمی كوردستان لهلایهن بهغداوه له ساڵی 2014هوه گرفت له دابهشكردنی مووچهی فهرمانبهرانی ههرێم ههیه و له سهرهتای ساڵی 2016هوهش سیستهمی پاشهكهوتكردنی مووچه له ههرێمی كوردستان كاری پێدهكرێت.
به هۆی ئهو سیستهمهوهش، مامۆستایان و فهرمانبهران ناڕهزاییان دهربڕی و ههفتهی رابردووش حكوومهتی ههرێم رایگهیاند، دهستكاری سیستهمی پاشهكهوت كراوه و زۆرترین رێژه 30% دهبێت و كهمترینیش 10%.
ا. م