تەرمی ھاووڵاتیەك لە نێو ئۆتۆمبێلەكەی دۆزرایەوە

K24 - گەرمیان

پەیامنێری كوردستان24 لە گەرمیان رایگەیاند: "سه‌ر له‌ به‌یانى ئەمڕۆ ته‌رمى هاووڵاتییه‌ك له‌نێو ئۆتۆمبێله‌كه‌ى خۆى له‌ شەقامێكی ده‌ره‌وه‌ى شار لە قەزای کەلار دۆزرایەوە".

گوتیشی: "ئەو ھاووڵاتییە ناوی ( ئه‌میر سه‌میر قادر)ه‌ و له‌ دایكبووى 1974،  كارى گۆڕینه‌وه‌ى دراوی دەكرد، رووداوەكە لە شەقامێكی دەرەوەی كەلار روویداوە كە بە شەقامی (بارھەڵگرەكان) ناسراوە و بە گوێرەی لێكۆڵینەوە سەرەتاییەكانی پۆلیس ئەو ھاووڵاتیە بە چەكی كلاشینكۆف كوژراوە".

پەیامنێرمان ئاماژەی بۆ ئەوەشكرد: "كه‌سوكاری ئەو ھاووڵاتیەی كوژراوە له‌ گوتەكانیاندا بۆ پۆلیس گوتویانه‌ كه‌ ئه‌و كەسە شه‌وى رابردوو نه‌گه‌ڕاوه‌ته‌وه‌و سكاڵاشیان لە دادگا تۆماركردووه‌".