نەتەوە یەكگرتووەكان: كارەكانمان لە ھەرێمی كوردستان بەردەوام دەبێت
K24 - ھەولێر
نەتەوە یەكگرتووەكان جەخت لەسەر بەردەوامی كاردكردن لە ھەرێمی كوردستان دەكەنەوە.
ستیڤان دوجاریك، وتەبێژی سكرتێری گشتی نەتەوە یەكگرتووەكان دووپاتیكردەوە، كارەكانی نەتەوە یەكگرتووەكان لە ھەرێمی كوردستان بەردەوام دەبێت و ھیواشی خواست، وتوێژەكانی نێوان ھەولێر و بەغدا بەردەوام بێت.
ھەروەھا وتەبێژی سكرتێری گشتی نەتەوە یەكگرتووەكان گوتی، گرنگە بۆ ئێمە عێراق بە یەكپارچەیی بمێنێتەوە.
ئەمە لەكاتێكدایە دوێنێ 25/9/2017، پڕۆسەی ریفراندۆم بۆ سەربەخۆیی كوردستان لە ھەرێمی كوردستان و ناوچە كوردستانییەكانی دەرەوەی ئیدارەی ھەرێم بەڕێوەچوو، بەگوێرە ئەنجامە نافەرمییەكانیش زۆربەی بەشداربووان دەنگیان بە بەڵێ بۆ سەربەخۆیی كوردستانداوە.