حكومەتی ھەرێم خەرجی قوتابیانی پۆلی 12ی شنگال و دەوروبەری مووسڵ لە ئەستۆ دەگرێت
K24 - ھەولێر
وەزارەتی پەروەردەی حكومەتی ھەرێمی كوردستان لە راگەیەندراوێكدا ئاشكرای كرد سەرۆكی حكومەتی ھەرێمی كوردستان وەزیری پەروەردە و پارێزگاری دھۆكی راسپارد كە حكومەت خەرجی قوتابیانی پۆلی 12 لە ئەستۆ دەگرێت، كە لە شنگال و دەوروبەری مووسڵ بۆ تاقیكردنەوەكان دێنە دھۆك.
دەقی راگەیەندراوی وەزارەتی پەروەردە:..
سەبارەت بە قوتابیانی قۆناغی 12 ی ئامادەیی ـ خوێندنی کوردی کە لەقەزای شنگال و دەوروبەری موسڵ، لە پارێزگای دهۆک تاقیکردنەوەکان ئەنجام دەدەن، رێزدار مەسرور بارزانی، سەرۆکی حکومەتی هەرێمی کوردستان، بەڕێزان وەزیری پەروەردە و پارێزگاری دهۆک-ی راسپارد، کە بە تەواوی خەرجی رێککارە تەندروستییەکان و گواستنەوە و مانەوەو خواردنی قوتابیان لە ئەستۆی حکومەتی هەرێمی کوردستان بێت .
راگەیاندنی وەزارەتی پەروەردە
٢٠٢٠/٧/٧