مه‌سرور بارزانی: بەھۆی پیێشلکارییەکان و بەرزبوونەوەی ژمارەی تووشبووان قەدەغەی ھاتوچۆ درێژکراوەتەوە
K24- هه‌ولێر:
مەسرور بارزانی سەرۆکی حکومەتی ھەرێمی کوردستان رایگەیاند، بەھۆی پیێشلکارییەکان و بەرزبوونەوەی ژمارەی تووشبووان بە کۆرۆنا قەدەغەی ھاتوچۆ درێژکراوەتەوە.
له دوو تویتی جیاوازدا له هەژماری تایبەتی خۆی لە تۆڕی كۆمه‌ڵایه‌تی تویته‌ر، مه‌سرور بارزانی، سەرۆکی حکومەتی ھەرێمی کوردستان نووسیویەتی: "ئەمڕۆ قەدەغەی ھاتووچۆ بۆ 48 کاتژمێر درێژکرایەوە".
دووپاتیشی كردووه‌ته‌وه، ھەرچەند زەحمەتە، بەڵام بەھۆی پێشلکارییەکان و بەرزبوونەوەی ژمارەی تووشبووان بە کۆرۆنا ئەم بڕیارە دراوە.
جه‌ختیشی كردووه‌ته‌وه، "ھەموومان لەم شەڕەدا پێکەوەین و پابەندبوونی ئێوەش گرنگە. پێویستە لە ماڵەوە بمێننەوە".
مەسرور بارزانی سەرۆکی حکومەتی ھەرێمی کوردستان دەڵێت: "کوردستانیان نامۆ نین بە رووبەڕووبوونەوەی دۆخی سەخت، ئێستاش ھەموومان به‌یه‌كه‌وه دەتوانین ژیانی ھەرچی زیاتر لە ھاووڵاتیان رزگار بکەین و تووشبووانیش خێراتر چاك ببنەوە، ئەم شەڕەش لە دژی کۆرۆنا ببەینەوە".
Earlier today we imposed a lockdown across Kurdistan for 48 hours. As difficult as it is, we have taken this action after a rise in curfew violations and #coronavirus cases. We are in this fight together, and your compliance is essential: you must not leave your homes- mb. 1/2 https://t.co/lysLpuF4BJ
— Masrour Barzani پابەندین# (@masrour_barzani) April 4, 2020
H.B