شەڕڤانێك لە عەفرین خۆی بەھێزەكانی توركیادا تەقاندەوە
K24 - ھەولێر
بۆ رێگریكردن لە ھێرشەكانی سوپای توركیا بۆسەر عەفرین، شەڕڤانێكی دیكەی یەپەگە لەناوچەی جندرێس خۆی بە ھێزەكانی توركیادا تەقاندەوە و ڤیدیۆی پێش ئەو چالاكییە فیدایەی شەڕڤانەكە بڵاودەكرێتەوە.
یه‌کینه‌کانى پاراستنى گه‌ل (یه‌په‌گه) لە راگەیەندراوێكدا بڵاویكردەوە: "شەڕڤانێك ناوى ئه‌حمه‌د ئه‌لوه‌لۆ ناسراو به ئیلان کۆبانێ له جندرێس چالاکى فیدایى ئه‌نجامدا.
یەپەگە راشیگەیاندووە: "چۆن ئارین میرکان له به‌رخۆدانى کۆبانێ و ئاڤێستا خابوور له به‌رخۆدانى سه‌رده‌مى عه‌فرین به چالاکى خۆیان بوونه رۆحى سه‌رکه‌وتن، به‌و شێوه‌یه‌ش هه‌ڤاڵ ئیلان کۆبانێ بووه درێژه‌پێده‌رى رێگه‌ى ئه‌وان، ئێمه به‌رده‌وامى به رێگه‌ى ئیلان کۆبانێ ده‌ده‌ین و سوپای تورکیا تێکده‌شکێنین".
لە راگەویەندراوەكەی یەپەگە روونكراوەتەوە: "ئیلان کۆبانێ له جندرێس ئه‌و چالاکیه فیداییه‌ى ئه‌نجامداوه".
پێشتریش كچە شەڕڤانێك بەناوی زەلوخ حەمۆ، ناسراو بە ئاڤێستا خابوور، بۆ رێگریكردن لە ھێرشەكانی توركیا بۆسەر عەفرین شەوی 27/1/2018، خۆی بە تانكەكانی سوپای توركیادا تەقاندەوە.
ھ.م