عەبادی گۆڕانكاری لە حكوومەتەكەی ئەنجام دەدات
K24 - بەغدا:
عەبادی وەك ھەنگاوێك بۆ كردارە چاكسازییەكان، كە پێشتر بەڵێنی دابوو، گۆڕانكاری لە حكوومەتەكەی ئەنجامدەدات.
حەیدەر عەبادی سەرۆك وەزیرانی عێراق رایگەیاند: ھەندێك وەزارەتی نزیك بە یەك لێك دەدرێن.
بە گوێرەی ھەندێ ھەواڵی دزە پێكراوی حكوومەتی بەغدا، وەزارەتی نەوت و كارەبا لێك دەدەرێن دەبێت بە وەزارەتی وزە وەزیرەكەشی عادل مەھدی دەبێت.
وەزارەتی گواستنەوە و گەیاندن دەكرێن بە یەك حەسەن راشد دەبێت بە وەزیر.
ئاوەدانكردنەوە و شارەوانی دەكرێن بە یەك وەزارەت و تارق خیكانی دەبێت بە وەزیر.
تەندروستی و ژینگە دەكرێن بە یەك وەزارەت و عەدیلە حەمود دەبێت بە وەزیر.
ھەروەھا عەبادی بڕیاریداوە بە لابردنی ئیبراھیم جەعفەری لە پۆستی وەزیری دەرهوە و دانانی حوسێن شارستانی لە جێگەی، لابردنی موحەمەد غەبان و دانانی قاسم ئەعرەجی بۆ وەزیری ناوخۆ.
لابردنی خالید عوبەیدی كاندیدكردنی وەفیق سامەڕائی.