قه‌یرانه سیاسی و داراییه‌كان و به‌رده‌وامی كۆچی به كۆمه‌ڵ به‌ره‌و ئه‌وروپا
K24 – سلێمانی:
به‌هۆی ئه‌و قه‌یرانه سیاسی و داراییانه‌ی به‌رۆكی هه‌رێمی كوردستانیان گرتووه، كۆچی به كۆمه‌ڵ و كۆچی خێزانی به‌ره‌و ئه‌وروپا به‌رده‌وامه.
به گوێره‌ی فیدراسیۆنی سه‌رتاسه‌ری په‌نابه‌رانی عێراق، كه پشتی به ئاماره نافه‌رمه‌ییه‌كان به‌ستووه: "له ناوه‌ڕاستی 2014 تا ئێستا زیاتر له 35 هه‌زار كه‌س له هه‌رێمی كوردستان كۆچیان بۆ ده‌ره‌وه كردووه".
فیدراسیۆنی سه‌رتاسه‌ری په‌نابه‌رانی عێراق رایگه‌یاندووه: "70 بۆ 75% ئه‌وانه‌ی كۆچییان كردووه گه‌نجانن".