شاندێكی هه‌رێم سه‌ردانی به‌غدا ده‌كات
K24 - هه‌ولێر:
بەمەبەستی گفتوگۆکردن لەسەر کێشە هەڵپەسێردراوەکانی نێوان ھەولێر و بەغدا، سبەی شاندێکی هەرێمی كوردستان سەردانی بەغدا دەکات.
سەرچاوەیەکی باڵا لە حکومەتی هەرێمی كوردستان رایگەیاند، بەمەبەستی گفتوگۆکردن لەسەر کێشە هەڵپەسێردراوەکانی نێوان هەولێر و بەغدا و هاوکاریکردنی هێزەکانی پێشمەرگە، سبەی شاندێکی هەرێمی كوردستان بەسەرۆکایەتی نێچیرڤان بارزانی سه‌رۆكی حكوومەتی هه‌رێمی كوردستان سەردانی بەغدا دەكات و لەگەڵ حەیدەر عەبادی سەرۆک وەزیرانی عێراق و ستیوارت جۆنز بالیۆزی ئەمریکا لە عێراق کۆدەبنەوە و هەمان رۆژیش دەگەڕێنەوە هەرێمی کوردستان.
شاندەکەی ھەرێمی كوردستان پێكھاتوون لە نێچیرڤان بارزانی سەرۆکی حکومەتی هەرێمی کوردستان و دکتۆر فواد حسێن سەرۆکی دیوانی سەرۆکایەتی هەرێمی کوردستان و قوباد تاڵەبانی جێگری سەرۆکی حکومەتی هەرێمی کوردستان و دکتۆر ڕۆژ نوری شاوەیس .
