ئاوارەی كەمپەكانی سنووری رواندز لە رەوشێكی خراپدان

K24 - رواندز:

ئاوارەی كەمپەكانی سنووری رواندز لە رەوشێكی خراپدان، ھیچ بنكەیەكی تەندروستی لەو كەمپانە دانیە.

یەكێك لە ھاووڵاتیانی نیشتەجێی كەمپەكە گلەيی ھەیە و دەڵێت: ھیچ بنكەیەكی تەندروستی لە كەمپەكاندا نیە، لە وەرزی ھاوینەوە تا ئێستا ھیچ لیژنەیەكی تەندروستی سەردانی نەكردووین، منداڵاكانمان بە ھۆی سەرما نەخۆشن چونكە لێرە كەش و ھەوا زۆر ساردە.

لە سنووری قەزای رواندز سێ كەمپی ئاوارەكان ھەن كە كوردانی ئێزدی و شەبەك و كاكەیی لەو كەمپانە نیشەجێن، جگە لە كارەبای نیشتیمانی كارەبای دیكەیان نیە، ھیچ بنكەیەكی تەندروستی بوونی نیە لە كەمپەكان.