بۆسكێتس تووشی پێكان بوو

K24 ـ هه‌ولێر

سێرخیۆ بۆسكێتس، یاریزانی یانه‌ی بارسێلۆنا و هه‌ڵبژارده‌ی ئیسپانیا تووشی پێكان بوو، له‌وانه‌یه‌ له‌ یارییه‌ دۆستانه‌كانی هه‌ڵبژارده‌كه‌ی داببڕێت.

رۆژنامه‌ی سپۆرتی كه‌ته‌لۆنی رایگه‌یاندووه‌، بۆسكێتس په‌نجه‌ی ده‌ستی راستی شكاوه‌ و زه‌حمه‌ته‌ بتوانێت به‌شداریی دوو یاریی داهاتووی هه‌ڵبژارده‌كه‌ی له‌ به‌رامبه‌ر ئیتاڵیا و رۆمانیا بكات و ڤیسێنتی دێل بۆسكی، راهێنه‌ری لارۆخا ناتوانێت سوود له‌ تواناكانی وه‌ربگرێت.

به‌ڵام رۆژنامه‌ كه‌ته‌لۆنییه‌كه‌ ئاشكرایكردووه‌، بۆسكێتس بۆ یاریی كلاسیكۆ ئاماده‌ ده‌بێت و ده‌توانێت به‌رامبه‌ر ریال مه‌درید یاریی بكات، كه‌ وابڕیاره‌ رۆژی دووی نیسان ریال و بارسا له‌ لالیگا به‌یه‌ك بگه‌ن.