یەكەمین كۆبوونەوەی داڕشتنی بودجەی 2021 لە وەزارەتی دارایی بەڕێوەچوو
K24- ههولێر:
له راگهیهندراوێكدا، وهزارهتی دارایی و ئابووری حكومهتی ههرێمی كوردستان رایگهیاند، پاڵپشت بە بڕیاری ئەنجومەنی وەزیران و بە مەبەستی ئامادەكردن و داڕشتنی پرۆژە یاسایی بودجەی 2021ی ههرێمی كوردستان، زنجیرەیەك كۆبوونەوە لەگەڵ سەرجەم وەزارەتەكان ئەنجام دەدات.
له راگهیهندراوهكهی وهزارهتی دارایی و ئابووریدا هاتووه، "پاڵپشت بە بڕیاری ئەنجومەنی وەزیرانی حكومەتی هەرێمی كوردستان، بە مەبەستی ئامادەكردن و داڕشتنی پرۆژە یاسایی بودجەی 2021ی هەرێمی كوردستان، لە چوارچێوەی پلانی وەزارەتی دارایی و ئابووری بۆ ئەم مەبەستە زنجیرەیەك كۆبوونەوە لەگەڵ سەرجەم وەزارەتەكان ئەنجام دەدات".
ئاماژهی بهوهشداوه، "دەستپێكی ئەم كۆبوونەوانە یەكەم وەزارەت لەگەڵ وەزارەتی سامانە سروشتیەكانی حكومەتی هەرێمی كوردستان، دەستی پێكرد و سەرلەبەیانی ئەمڕۆ یەكشەممە 24/1/2021 لە دیوانی وەزارەت كۆبوونەوەكه بە سەرپەرشتی ئاوات جەناب نووری وەزیری دارایی و ئابووری بەڕێوەچوو".
دووپاتیشیكردهوه، "بودجەی هەرێمی كوردستان بودجەیەكی گشتگیر دەبێت، سەرجەم وەزارەت و دەستەكان، داهات، خەرجیی، قەرزە گشتیەكان و كورتهێنان، لە چوارچێوەی پرۆژە یاسای بودجە دەبێت. لەو چوارچێوەیەشدا بۆ یەكەمجارە لە هەرێمی كوردستان داهات، خەرجی و (شایستە دارایی كۆمپانیاكانی نەوت، خەرجی دەرهێنان، هەناردەكردن و فرۆشتنی نەوت)ی وەزارەتی سامانە سروشتییەكان دەخرێتە ناو پرۆژە یاسایی بودجەی هەرێمی كوردستان بۆ ساڵی 2021".
H.B