نرخی نەوت ھەڵكشا
K24 - ھەولێر
لەگەڵ دابەشکردنی زیاتری ڤاکسین و کەمکردنەوەی ئاستی بەرهەمهێنان لە لایەن گەورە بەرهەمهێنەران، نرخی نەوت بە رەنگی سەوز دەستی بە مامەڵە کرد.
نرخی بەرمیلێک نەوتی خاوی برێنت بە رێژەی 0.74% بۆ 55.50 دۆلار بەرزبووەوە، نرخی بەرمیلێک نەوتی سووکی تێکساسیش بە رێژەی 0.52% بۆ 52.52 دۆلار بەرزبووەوە.
بەرزبوونەوەی نرخی نەوت بۆ بەرنامەی دابەشکردنی ڤاکسین لە زۆربەی وڵاتە زیانلێکەوتووەکان و کەمکردنەوەی ئاستی بەرهەمهێنان لە لایەن گەورە بەرهەمهێنەرانی وەک سعوودیە و عێراق دەگەڕێتەوە.
سەرەڕای ئەوەش، لەگەڵ زیاتر بوونی متمانەی خەڵک بە ڤاکسینەکان پێشبینی دەکرێت خواست بۆ نەوت و سووتەمەنی لە داهاتوو زیاتر بێت.
لەگەڵ بەرزبوونەوەی نرخی نەوت کۆمپانیاکانی گەڕان بە دوای نەوت و گاز لە ئەمەریکا کار بۆ زیادکردنی ژمارەی سەکۆکانی هەڵکۆڵین دەکەن.