تەحینی ئامێدی گەیشتە فەرەنسا
K24 - هەولێر
بەنێوبانگترین تەحین لە هەرێمی کوردستان، تەحینی ئامێدییە، ئێستاش ئەو بەرهەمە گەیشتووەتە فەرەنسا و لە بازاڕ دەفرۆشرێت.
ئۆلیڤیێ دیکۆتینێ، کونسوڵی فەرەنسا لە هەولێر، ئەمڕۆ (سێشەممە، 9ـی شوبات/فێبرایەرـی 2021) لە تویتەر نووسیویەتی "مزگێنی بۆ هەوادارانی خۆراک، تەحینی ئامێدی گەیشتە شاری ئەلبی، ئەمە سەرکەوتنێکی جوانە بۆ ئەو بەرهەمە ناوازەیەی دەڤەری ئامێدیی کوردستان".
مزگینی بۆ هەوادارانی خواردن- گەیشتنی تەحینی ئامێدی بۆ شاری ئەلبی کە دەکەوێتە باشوری رۆژئاوای فەرەنسا. سەرکەوتنێکی گەورەیە بۆ ئەم بەرهەمە ناوازەیەی دەڤەری ئامێدی
— CG Olivier Decottignies (@O_Decottignies) February 9, 2021
Avis aux gourmets - arrivage de tahin d'#Amedi à #Albi. Un beau succès pour ce produit emblématique du terroir kurde pic.twitter.com/IRAqgwUDhE
ئەو شوێنەی فەرەنسا کە ئێستا تەحینی ئامێدیی بۆ هەناردە دەکرێت شاری ئەلبییە، کە شارێکی بچووک و مێژوویی باشووری فەرەنسایە.
کونسوڵی فەرەنسا، وێنەی ئەو پۆستەی بڵاوکردووەتەوە کە تییدا کۆمپانیایەک بەناوی (Au Marché d'Orient - لە بازاڕی رۆژهەڵات) ریکلامی بۆ تەحینی ئامێدی کردووە.
کۆمپانیاکە، تایبەتە بە خۆراکی رۆژهەڵاتی و ئاسیایی و فرۆشتنی گۆشتی حەڵاڵ، لە پۆستێکی فەیسبووک، ریکلامی بۆ ئەو بەرهەمە کردووە و نووسیویەتی "بەرهەمێکی نوێ گەیشت، تەحین (کرێمی کونجی) 100٪ سرووشتییە و تامێکی ناوازەی هەیە".