وه‌زیری پلاندانان: پڕۆژه‌یاسای نه‌وت و غاز گرفتێكی دیكه‌ی نێوان هه‌ولێر و به‌غدایه
K24 - ھەولێر
وەزیری پلاندانانی حکومەتی هەرێمی کوردستان ئاشكرای كرد، ناردنی پڕۆژەیاسای نەوت و غازی عێراق بۆ پەرلەمان، یەکێک بووە لە داواکارییەکانی حکومەتی هەرێمی کوردستان و نەبوونی ئەو یاسایەش لە عێراق هۆکارێکی کێشەکانی نێوان هەولێر و بەغدایە.
د. دارا رەشید، وەزیری پلاندانانی حکومەتی هەرێمی کوردستان بە كوردستان24ی راگەیاند: "دەمانەوێت ئیش لەسەر یاسای نەوت و غاز بكەین، كە لە عێراقیش ھەبێت، چونكە یەكێك لە گرفتەكانمان لەگەڵ عێراق، نەبوونی یاسای نەوت و غازە، ئەمەش بۆ رێكخستنەوە و مامەڵەكردنە لە بواری نەوت لەنێوان ھەرێمی كوردستان و عێراق".
روونیكردەوە: "ئێمە وەك ھەرێمی كوردستان یاسای نەوت و غازمان ھەیە، پێشتر لەوبارەوە لەگەڵ شاندەكانی حكومەتی عێراق، قسەمان لەسەر ئەو یاسایە كردووە و ئەوانیش بە باشی دەزانن".