ئەمەریکا و ئیسرائیل لە بارەی ئێران کۆبوونەوە
K24 – ھەولێر:
وەزیری دەرەوەی ئەمەریکا و سەرۆکی دەزگای هەواڵگری ئیسرائیل لەبارەی ئێران کۆبوونەوە.
ئاژانسی رۆیتەرز بڵاویکردەوە، ئەنتۆنی بلینکن، وەزیری دەرەوەی ئەمەریکا، لەگەڵ سەرۆکی دەزگای هەواڵگری ئیسرائیل (موساد) و باڵیۆزی ئەو وڵاتە لە واشنتن کۆبووەتەوە و باسییان لە چالاکییە ئەتۆمییەکانی ئێران کردووە و بەرپرسانی ئیسرائیلی نیگەرانییان لەو بارەوە دەربڕیووە.
لەلایەکی دیکەوە، ئیلی کۆهین، وەزیری هەواڵگری ئیسرائیل رایگەیاند، رێکەوتنی ئەتۆمی لەگەڵ ئێران ناوچەکە بەرەو جەنگ دەبات و دووپاتیشیکردەوە، وڵاتەکەی هەرگیز ڕێگە بە ئێران نادات ببێتە خاوەنی چەکی ئەتۆمی، گوتیشی: فڕۆکەکانمان دەتوانن بگەنە هەموو شوێنێک لە ڕۆژهەڵاتی ناوەڕاست بە ئێرانیشەوە.