مووچەی هەموو ئەو زیندانییە سیاسییانە خەرج دەکرێن کە مووچەیەکی دیکەیان نییە
K24 – هەولێر
وەزارەتی کاروباری شەهیدان و ئەنفالکراوانی حکومەتی هەرێمی کوردستان، لە وەڵامی نووسراوی پەرلەمانتارێک ئاشکرای دەکات، لەم مانگەوە مووچەی هەموو ئەو زیندانیانە سیاسیانە هەژمار دەکرێت کە ھیچ مووچەیەکی دیکەیان نییە.
هیڤیدار ئەحمەد، پەرلەمانتاری کوردستان بە نووسراوێک داوای روونکردنەوەی لە وەزارەتی کاروباری شەهیدان و ئەنفالکراوان کردووە لەبارەی خەرجکردنی مووچەی زیندانیانی سیاسی، لە وەڵامدا وەزارەتی شەهیدان نووسیویەتی: "سەبارەت بە خەرجکردن و بەستنەوەی مینحەی ئەو زیندانیکراو و گیراوە سیاسیانەی کە ماوەی 10 ساڵی مینحەیان تەواو بووە و هیچ مووچەیەکی دیکەیان نییە، پێداچوونەوە بە دۆسییەکانیان تەواو بووە و لە رێککەوتی 1/5/2021 مینحەیان بۆ هەژمار دەکرێت.