وەزارەتی کارەبا: نزیکەی 700هەزار پێوەر بەستراوە
K24 – هەولێر
وەزارەتی کارەبای حکومەتی هەرێمی کوردستان رایگەیاند، تائێستا نزیکەی 700هەزار پێوەر بەستراوە و سەرپێچیەکان و بارزۆری سەر محاویلە و وێستگەکان کەمبووەتەوە.
بەگوێرەی هەواڵێکی وەزارەتی کارەبا، ئەمڕۆ رێکەوتی6ی حوزەیرانی 2021 ، وەزیری کارەبای حکومەتی هەرێمی کوردستان،کەمال محەمەد، سەرپەرشتی کۆبوونەوەیەکی فراوانی راوێژکاری وەزارەتی کارەبای کرد. کە بریکاری وەزارەت و راوێژکارو بەڕێوەبەرانی گشتی وەزارەت ئامادەی بوون.
لە کۆبوونەوەکەدا وەزیری کارەبا جەختی لەسەر گرنگی پڕۆژەی پێوەری زیرەک کردەوەو دووپاتی لەوەکردۆتەوە کە تا ئێستا نزیکەی 700هەزار پێوەر بەستراوە کە دەگاتە لە 50%ی پڕۆژەکە و بەفیڕۆچوونی کارەبا و سەرپێچیەکان و بارزۆری سەر محاویلە و وێستگەکان کەمبوونەتەوە.
