نوێنهرانی زاخۆ له پهرلهمان: حكومهت بهڵێنهكهی خۆی بردهسهر
K24 - ههولێر:
نوێنهرانی زاخۆ له پهرلهمانی كوردستان، ستایشی بڕیارهكهی حكومهتی ههرێمی كوردستان دهكهن و رایدهگهیهنن، ئهو بهڵێنهی له كاتی ههڵبژاردن به خهڵك درا، بهجێگهیهنرا.
ههشت پهرلهمانتاری سنووری زاخۆ، كه حیكمهت محۆ گهودا، هێڤیدار ئهحمهد، چیا حهمید شهریف، گولیزار رهشید، بهختیار شوكری، ئیدریس عهبوش، رۆژان ئیبراهیم و ڤاهیك كهمال، پێشوازی له بڕیارهكهی مهسرور بارزانی، سهرۆكی حكومهتی ههرێمی كوردستان دهكهن و رادهگهیهنێتن، ئهوه بهرههمی جهنابی سهرۆك بارزانی بوو بۆ سنوورهكه، بۆ ئهوهی ببێته ئیدارهیهكی سهربهخۆ.
ئهو ههشت پهرلهمانتاره ئەم ب گەرمی دەستخۆشی و پێشوازیێ ل بڕیارا رێزدار مەسرۆر بارزانی، سەرۆک وەزیرێن هەرێما کوردستانێ یا دەربارەی ئیدارەبوونا دەڤەرا زاخۆ دکەین.
ئەڤە بەرهەمێ وێ بەڵێنا جەنابێ سەرۆک بارزانییە یاکۆ ب خەڵکێ زاخۆ دابوو، زاخۆیی ژی ب (رحا) خوە ناڤکرییە.
جەنابێ سەرۆک وەزیران ل 21/7/2020 ل بەردەم خەڵکێ زاخۆ سۆزدا کو ئەڤ بڕیارا هە سەربگریت و ئەڤرۆ (28/7/2021) ل ناڤ کۆمبوونا ئەنجوومەنا وەزیران سۆزا خوە بەرامبەر خەڵکێ زاخۆ بجهئینا. ئیدارەبوونا دەڤەرا زاخۆ، بەرامبەر خۆڕاگری و شەهید و خەباتا ئەڤێ دەڤەرێ رەنگە کێمترین خزمەت بیت هاتبیتە ئەنجامدان، خەڵکێ زاخۆ و خەڵکێ کوردستانێ ژ هەژی باشترین خزمەت و ئیدارەدانێ و ژیانەکا سەربەرزن.
ئەندامێن پەرلەمانێ کوردستانێ یێن خەڵکێ زاخۆ، ل کۆمبوونێن گرێدایی سەر رەوشا زاخۆ، ئەڤ داخازە جارەکا دی ل بیرا لایەنێن پەوەندیدار ئینان، کو پیتڤییە زاخۆ ببیتە ئیدارەیەکا سەربەخۆ، تاوەکو خەڵکێ وێ ژ رۆتینیاتێن ئیداری و فەرمانگەها دیربکەڤیت.
ئەڤ ئیدارەبوونا هە، پتر خزمەتا خەڵکێ زاخۆ بکەت و فەرمانگەهێن پێتڤی ل ئەڤێ دەڤەرێ بهێنە دامەزراندن و خەڵکێ زاخۆ بخوە ئیدارەیا ئەڤێ دەڤەرێ بکەت.
مە وەکو پارتی ل بانگەشەیا هەڵبژارتنێن ئەیلوولا 2018 ژی سۆز دابوو خەڵکێ خوە، زاخۆ بکەین ئیدارەیەکا سەربەخۆ، ئەڤرۆ ئەو سۆزا مەدای، بجههات.
هەر ب ئەڤێ هەلکەفتێ ئەم پیرۆزباهیێ ل دەڤەرا سۆران ژی دکەین کۆ بڕیارا ئیدارەیا سەربەخۆیا وێ دەڤەرێ ژی دەرکەفتییە. ئۆمێدەوارین ژ حکومەتا هەرێما کوردستانێ ل دەمەکێ نزیکدا دەڤەرا ئاکرێ ببیتە ئیدارەیەکا سەربەخۆ. دووبارە پیرۆزە ل خەڵکی زاخۆ.